請問呢杯咖啡有乜特別？

答案：

就係陳豪飲過

雞仔沖嘅

COFFEEFEST第一次喺亞洲區搞，真係令人驚喜不絶，入到嚟嘅人都只可以O一個咀，咁細都有嘅，我只可以形容係：「中學開放日都大過佢呀！」

但係令人關注嘅係入面有個MILLROCK LATTE ART COMPETITION，中國、日本、韓國、台灣、泰國、香港都有選手參加，但係我唔係幾鐘意呢個比賽嘅形式，一開始未見到詳盡嘅規則(可能根本就冇)，竟然會唔畀用自己嘅豆自己嘅奶(搞錯呀，你嗰啲都唔知咩奶嚟嘅)，準備時間，我話：「乜只有大杯畀我用咩？」，佢先話：「我去搵啲返嚟」(噢賣桔)，比賽時間，五分鐘做三杯嘢，其實好夠，應該夠時間失一至兩次手，但係部機同啲奶真係...。評審規則，唔理個過程，只理個成品；成品要求，唔理個味道口感，只理個外觀。(完全同我追求嘅嘢唔同)。仲有一件奇怪嘅事，most importantly three judges, curtained off and sheltered by the headphones, so only the cup is judged and counts，代表啲乜呢？完全唔理解，減低美女優勢？但係其實未出場到出完場一路都見到樣，又一路都順次序比賽。等三個評判唔會互相有影響咩？佢哋又坐埋一齊嘅。

第一天全日喺度，第二日開始唔知醒，睇得一半，第三日完全訓死咗，一啲都睇唔到。

第二個參賽者：「究竟我開始咗未呢？」

FIONA：「好曬呀！到我未呀！」MAX：「好悶呀！瞓着喇！」

阿KING唔好咁緊張，望住鏡頭笑下先

隻手震到咁，都拉得唔錯喎

「FELIX WONG，FELIX WONG」去咗邊呢？佢竟然會遲到
第一天嘅作品，有59.6667分

今次冠軍韓國選手在第二天的作品，有60.667分

東源在第二天的作品，有61分啊

東源也有失手呀，大家可以自我安慰一下吧

可惜第三天冇睇到

大大的展館，小小的展覽
寥寥可數嘅參觀者
經常冇人嘅攤位

咁究竟有乜得著呢？

明人嘅合照

明人嘅簽名

差唔多每次展覽會都會買一個嘅拉花壼

仲有一個同我一樣咁古靈精怪嘅新朋友

更多照片在：相簿COFFEEFEST