喺香港，要認識咖啡，難，不過尚有不少有心人願意與人分享
喺香港，要學拉花，都係咁難。
呢個仲係少數民族活動，而且好似冇乜門路，冇乜機會搵到人分享技巧喎。
去咖啡店做呢，都冇乜邊度有人教到你，香港嘅咖啡店…唉。
畀你咁好彩搵到林X源本書，都冇用，一個唔識拉花嘅人睇嗰本書就只可以嘩兩聲，睇完會發現學唔到乜嘢。
或者你可以學下佢哋咁，走到意大利學啦 ，如果你有心有錢有時間。
好彩而家科技發達，單靠上網已經可以搵到好多有用嘅資訊，最慘唔知邊啲啱邊啲錯
我都唔記得自己點解會接觸拉花，不過開始嘅路真係幾難行，而且行得唔係好正添，我當然唔想你重蹈覆轍啦
雖然我唔係專家，不過，就由呢度開始，我要建立一個屬於香港人嘅拉花教學
希望有人睇啦，唔係就摺咗佢算喇
特色：
1. 使用廣東話，增加親切感
2. 由基本功開始，逐步學習
3. 歡迎留言，給予意見，互相討論
4. 歡迎發問，有問必答
目標：
一個唔識拉花嘅人可以喺度學識拉花
